III- Mecánica do xogo

Salvo se está sendo curado nun Lar da súa especie ou dun PX amistoso, un PX ferido, incluso cunha Ferida Mortal, terá que facer a Tirada de Evento en todas as súas quendas.

Se se está curando -por si mesmo ou por outro PX- fóra dun Lar, teranse en conta só os resultados da Tirada de Evento de 4 (“Animal Natural”) ou 5 (“Ser máxico”). Interprétase que nesa situación non ten posibilidade de detectar a moeda, obxectos ou plantas especiais, pero si pode xurdir un animal natural ou un ser máxico.

Se non está sendo atendido e sofre unha Ferida Mortal, tres Feridas Graves (que o deixan inmobilizado) ou un Shock, teranse en conta os resultados de 4, 5 e 6 da Tirada de Evento. Enténdese que, malia estar prostrado, pode sufrir  “Accidentes” (sempre pode esvarar da superficie onde se atopa e caer por un cantil, recibir o golpe dunha rama arrincada polo vento, ser alcanzado por unha onda se está sobre un penedo á beira do mar, etc). Se padece feridas que non lle impiden moverse nin se atopa en estado de Shock, teranse en conta todos os resultados da Tirada de Evento.